22.02.2024

türkiye awazi radiyosi: «höriyet géziti», jumhur reis rejep tayyip erdoghanning tünügün afyonqarahisarda élan qilghan bayanatida, türkiyening 5 - ewlad urush ayropilani ishlepchiqirishta intayin halqiliq ötkeldin ötkenlikini bildürgenlikini hemde milliy urush ayropilani kaan heqqide toxtilip: «milliy urush ayropilani kaan bügün tunji uchushni muweppeqiyetlik ishqa ashurdi. biz buni ishlepchiqarduq we buningdin kéyinmu ishlepchiqirishni dawamlashturimiz» dégenlikini xewer qildi.

«sabah géziti», «kaan asmanda» serlewhilik xewiride, munu uchurlargha orun ajratti:

türkiye alem qatnishi sanaiti shirkiti (TUSAŞ) ishlepchiqarghan milliy urush ayropilani kaan tunji qétim enqere asminida uchti. murted ayrodoromidin kötürülgen milliy urush ayropilani kaan xéli mezgil uchqandin kéyin muweppeqiyetlik halda bazigha qaytip keldi. milliy urush ayropilani kaanning asmanda uchqan küni tarixqa kirgen boldi.

«weten géziti», türkiyening milliy urush ayropilani kaanning tunji uchushining dunya metbuatliridin keng orun alghanliqini, «bilumbérg» ning tarixiy ehmiyetke ige uchushqa qarita «burulush nuqtisi» dep baha bergenlikini, grétsiye metbuatlirining bolsa, kaanning ilghar alahidiliklirini xewer qilghanliqini yazdi.  

«star géziti», «somali türkiye qararini resmiy testiqlidi» serlewhilik xewiride, munu uchurlargha orun ajratti:

somali kabinéti türkiye bilen mudapie hemkarliq saheside imzalanghan kélishimni testiqlighanliqini élan qildi. somali uchur – alaqe ministiri dawud awéys: «bu burulush nuqtisi xaraktérliq 10 yilliq kélishim somali hökümitining igilik hoquqini qoghdash tirishchanliqini körünerlik derijide kücheytidu» dédi.

«xeber türk géziti», seudi erebistan tereqqiyat fondi (SFD) ning türkiye jumhuriyiti bilen 55 milyon dollarliq qerz kélishimi imzalighanliqini, bu qerzning «hökümet mektepliridiki yer tewresh xewpini azaytish layiheliri» dairiside ishlitilishi nishan qilinghanliqini xewer qildi.