06.02.2024

«höriyet géziti», «türkiyening qoralliq uchquchisiz ayropilanigha yene bir telep» serlewhilik xewiride, munu uchurlargha orun ajratti:

türkiyening qoralliq uchquchisiz ayropilani programmisi, dunya bazirining diqqitini tartishni dawamlashturmaqta. diplomatiye ministiri xaqan fidan türkiyedin misirning uchquchisiz ayropilan sétiwélishining kün tertipke kelgenlikini éytti. ottura sherq metbuatliri «türkiye uchquchisiz ayropilanigha bolghan xelqaraning telipi ashti» serlewhilik xewerlerni élan qildi.

«star géziti»: seudi erebistanning paytexti riyadta ötküzülgen «dunya mudapie körgezmisi» yermenkisige türkiye dölet mudapie sanaitige tewe 63 shirketning qatnashqanliqini we yermenkide eng yéngi téxnikiliq quruqluq, déngiz we hawa mudapie qorallirining körgezme qilinghanliqini xewer qildi.

«weten géziti», iqtisadiy tereqqiyat we hemkarliq teshkilatining türkiyening 2024 - yildiki éshish mölcherini eslidiki%2.7 tin %2.9 ke östürgenlikini we türkiyening 2025-yildiki éshish mölcherinimu %3.1 dep yéngilighanliqini xewer qildi.

«sabah géziti», «tereqqiyat yolidiki halqiliq qedem» serlewhilik xewiride, munu uchurlargha orun ajratti:

qatnash we ul eslihe ministiri abdulqadir uraloghlu türkiye karxanichilirining jibutidiki 21 layihege 205 milyon dollar meblegh salghanliqini bildürdi. ministir uraloghlu: «ottura karidorgha jaylashqan türkiye, 2053 – yilghiche yene qatnash leyihelirige 197 milyard dollarliq meblegh sélishni pilanlimaqta» dédi.

«yéngi shepeq géziti», «yash igilik tikligüchiler üchün xush xewer» serlewhilik xewiride, munu uchurlargha orun ajratti:

8 - nöwetlik xelqaraliq yash karxanichilar qurultiyi 8 - féwralda istanbulda ötküzülidu. qurultayda hökümet we xususiy tarmaqlarning yuqiri derijilik bashqurghuchiliri, igilik tikligüchiler, meblegh salghuchilar, soda wekilliri, ilim - pen we taratqular qatarliq nurghun alaqidar terepler shundaqla 3 minggha yéqin ishtirakchi bir yerge jem bolidu.