02.02.2024

türkiye awazi radiyosi: «hörriyet géziti», tashqi ishlar ministiri xaqan fidanning tünügün (1-féwral) shiwétsiye tashqi ishlar ministiri tobiyas billström we türkmenistan tashqi ishlar ministiri rashid meredow bilen téléfonda körüshkenlikini xewer qildi.

xewerde, fidanning billström bilen körüshkende shiwétsiyening natogha eza bolushi, türkiye-shiwétsiye-finlandiye otturisidiki daimiy ortaq méxanizmning shekillinishige egiship échilidighan yighin teyyarliqliri we türkiye-yawropa ittipaqi munasiwetlirini muzakire qilghanliqi bildürüldi.

xewerde yene, fidanning türkmenistan tashqi ishlar ministiri meredow bilen körüshkende, énérgiye, xelq awiyatsiyesi qatarliq ikki tereplik we köp tereplimilik munberlerde özara hemkarliqlarni kücheytish imkaniyetlirining muzakire qilinghanliqi qeyt qilindi.

«xeber türk géziti», dölet mudapie ministirliqining axbarat we ammiwi munasiwetler mesuli zeki aqtürkning yéqinqi bir hepte ichide iraq bilen süriyening shimalida 63 térroristning bir terep qilinghanliqini éytqanliqini xewer qildi.

«yéngi shepeq géziti», xelqara énérgiye iqtisadiy jemiyitining 45-qétimliq konféransining türkiyening sahibxanliqida istanbulda ötküzülidighanliqini xewer qildi.

xewerde, yighingha qatnishish üchün 68 dölettin 500 din artuq kishining iltimas sunghanliqi qeyt qilindi.

«sabah géziti», türkiye jumhuriyiti merkiziy bankasi bilen ispaniye merkiziy bankasi otturisida merkiziy bankachiliq sistémilirida özara hemkarliqlarni tereqqiy qildurushqa asas sélish üchün kélishim hasil qilinghanliqini xewer qildi.