02.01.2024

«yéngi shepeq géziti», «galata köwrükidiki tarixiy ehmiyetke ige chong yighilish» serlewhilik xewiride, munu uchurlargha orun ajratti:

istanbul yéngi yilning birinchi künide tarixtiki eng chong yighilishlardin birige sehne boldi. 308 ammiwi teshkilat ittipaqliship, «penche qulup» herikiti rayonida shéhit bolghan eskerlirimizni xatirilesh, israiliyening zulmigha uchrawatqan pelestinni qollash we térrorluqqa lenet oqush üchün bir ten bir yürek boldi. ayasofiye, sultan ehmet, suleymaniye we iminönu yéngi jamiliride nechche yüzminglighan kishi bamdatta uchriishp, galata köwrükige qarap yürüsh qildi. chong yürüsh bilen istanbuldin pütün dunyagha küchlük uchur bérildi. p k k térrorluqi we israiliyening zulumi lenetlendi.

«weten géziti», «alparslan bayraqtar: <2024-yili shirnaktiki ishlepchiqirish nishanini 100 ming warilgha yetküzimiz> dédi» serlewhilik xewiride, munu uchurlargha orun ajratti:

énérgiye we tebiiy bayliq ministiri alparslan bayraqtar shirnakta jumhuriyet tarixidiki eng chong quruqluqta néfit bayqashni ishqa ashurghanliqini we bu yerdiki ishlepchiqirishni 30 ming warilgha yetküzgenlikini bildürüp: «nahayiti qisqa waqit ichide, yeni üch ay ichide, shirnak türkiyening eng köp néft ishlepchiqiridighan wilayitige aylinidu. 2024-yili 100 ming warilliq nishanimizgha yetkende, türkiyening eng yaxshi ülgilik wilayiti bolup qalidu» dédi.

«höriyet géziti», yerlik we milli aptomobil TOGG ning bazargh salghan modéliT10X  ning dékabirda 6008 kishige yetküzüp bérilgenlikini, shundaq qilip, 81 wilayetning hemmmisige TOGG yetküzüp bérilgenlikini, eng yéngi yetküzülüsh  bilen jemiy 19 ming 583 ishletküchining aptomobilini tapshuruwalghanliqini xewer qildi.

«xeber türk géziti» sayahetchilikte aktip bir yilni bashtin kechürgen antalyada dékabirda awiatsiye arqiliq kelgen sayahetchilerning sanida rékort yaritilghanliqini, yéngi yil heptiside kütüwélinghan chetellik méhmanlarning sanining 121 ming 139 gha yetkenlikini xewer qildi.

«sabah géziti», <FourFourTwo> zhurnili élan qilghan tizimlikke asasen, 2023-yildiki eng munewwer 100 putbolchi békitilgenlikini we bu tizimlikte xaqan chalxanoghlu we ilkay gündoganningmu orun alghanliqini xewer qildi.