16.11.2021

türkiye awazi radiyosi: «hörriyet géziti», adalet we tereqqiyat partiyesining bayanatchisi ömer chelikning tünügün (2021-yili 15-noyabir) firansiye paytexti parizhda échilghan liwiye yighini üstide toxtilip: «liwiyede tinchliq xelq teripidin ornitilishi kérek. firansiye pirézidénti makronning türkiyege qilghan eskerlerni chékindürüsh chaqirqi nahayiti setchiliktur. türkiye eskerliri telim-terbiye üchün u yerde turuwatidu» dégenlikini xewer qildi.

«sabah géziti», türkiye dölet mudapie ministiri hulusi akarning tünügün türkiye-mongghuliye arilashma iqtisadiy komitéti yighini munasiwiti bilen türkiyege kelgen mongghuliye dölet mudapie ministiri saixanbayar gürsed bilen körüshkenlikini xewer qildi.

xewerde, ikki rehberning ayrim körüshüshidin kéyin, heyetler ara uchrishishning ötküzülgenliki bildürüldi.

körüshüshlerde, ikki dölet otturisida herbiy tarix, arxipchiliq, muzéyi we axbarat ishlirida hemkarliq ornitish kélishimining imzalanghanliqi qeyt qilindi.

«weten géziti»,  türkiye hawa yolliri shirkitining 8-14-noyabir (2021) künliri arisida künlüki 1 ming yette ayropilan sepiri emelge ashurup, yawropada eng köp ayropilan sepiri qilghan ikkinchi  hawa yolliri shirkiti bolghanliqini xewer qildi.

«yéngi shepeq géziti», adiyamanda 40 ming yilliq ikenliki bayqalghan töt dane tash qatma tépilghanliqini xewer qildi.

xewerde, bölükyayla yézisida 21 yashliq güljan öztürkning tépiwélip, adiyaman muzéyisigha tapshurup bergenliki bildürüldi.

xewerde, muzéyi xadimlirining deslepki tekshürüshte, tash qatmilarning 40 ming yilliq tarixqa ige éosén dewri numillar guruppisigha tewe yekke hüjeyrilik déngiz janliqliri ikenlikining otturigha chiqqanliqi qeyt qilindi.