25.04.2024
bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:
«weten géziti», «erdoghan: <biz térrorluqqa qarshi qollashni kütmektimiz> dédi» serlewhilik xewiride, jumhur reis rejep tayyip erdoghanning gérmaniye pirézidénti frank-waltér stéynméyér bilen ötküzgen muxbirlarni kütüwélish yighinida, p k k we fetthullahchilar qatarliq insanlarning xatirjemlikini buzuwatqan térrorluq teshkilatlirigha qarshi küresh üstidimu toxtilip, «térorluqqa qarshi küresh mesiliside gérmaniye dairiliridin téximu köp qollashni kütmektimiz» dégenlikini xewer qildi.
«höriyet géziti», jumhur reis erdoghanning türkiye ermenliri patrigi sahak masaliyangha yollighan uchurida: «biz hetta bir erméniye puqrasiningmu chetke qéqilishigha, yétim qaldurulishigha yaki özini ikkinchi sinip wetendash hés qilishigha yol qoymiduq we yol qoymaymiz. tarixta yüz bergen ishlarni, radikal sözler, yatlashturushlar we nepret tili üchün suyiistémal qilishqlargha yol qoymastin, eqil, wijdan, ilim we bilimning yétekchilikide muzakirilishishimiz muhimdur» dégenlikini xewer qildi.
«xeber türk géziti», «uraloghlu: <zengezor karidori arqiliq biz türkiye bilen ottura asiya otturisida yéngi bir baghlinish yaritimiz> dédi» serlewhilik xewiride, munu uchurlargha orun ajratti:
qatnash we ul eslihe ministiri abdulqadir uraloghlu: «biz türkiye bilen ezerbeyjan otturisida biwasite tömür yol we tashyol tiransport liniyesi qurup chiqidighan zengezor karidori arqiliq türkiye bilen ottura asiya otturisida yéngi bir ulinish yaratqan bolimiz» dédi.
«yéngi shepeq géziti», téxnika supisi <GeeksforGeeks> ning 2024 – yili mart éyidiki doklatida, türkiyening dunya boyiche eng köp méwe ishlepchiqarghuchi döletler tizimlikide tötinchi orungha ötkenlikige we yiligha 25 milyon tonna mehsulat ishlechiqiriwatqanliqigha alahide orun ajritilghanliqini xewer qildi.
«sabah géziti», «istanbul ayrodoromi yawropadiki eng awat ayrodromgha aylandi» serlewhilik xewiride, istanbul ayrodoromining 8-apréldin 14-aprélghiche künige ottura hésab bilen 1428 qétimliq ayropilan uchush bilen yawropa boyiche eng awat ayrodorom süpitide tizimgha élinghanliqini xewer qildi.
