02.05.2024

«‹sitar› géziti», dölitimiz (türkiye jumhuriyiti) jumhur reisi rejep tayyip erdoghanning, ammiwi ortaqlishish tor bétidiki sehipiside bayanat élan qilip, «1-may ishchilar we hemkarliq bayrimi küni» tebriklep mundaq  dégenlikini yazdi:

«méhnetkesh ishchilirimizning 1-may ishchilar we hemkarliq bayrimi künini qizghin tebrikleymen, derweqe, bu kün memlikitimizdimu, dunyaning herqaysi jayliridimu tebriklenmekte.»

«‹hörriyet› géziti», dölitimiz (türkiye jumhuriyiti) tashqi ishlar ministiri xaqan fidanning, tünügün enqerede hindonéziye tashqi ishlar ministiri mersudi bilen ötküzgen qoshma  axbarat élan qilish yighinida mundaq  dégenlikini oqurmenlirining diqqitige sundi:

«tunji qétim shuni élan qilimenki, jenubiy afriqaning israiliye üstidin xelqara edliye sotigha sunghan délogha bizmu arilishishni qarar qilduq.»

«‹weten› géziti», dölitimiz (türkiye jumhuriyiti)  muawin jumhur reisi jewdet yilmazning, dölet ishliri ziyaritide bolush üchün yétip barghan özbékistanda pirézidént shewket mirziyoyéw bilen körüshkende qilghan munu sözlirini neqil keltürdi:

«özbékistan bilen bolghan ortaq tarixiy we medeniyet munasiwetlirimiz dairiside, mewjut dostluqimiz hem qérindashliq rishtimizni tilda, pikirde we xizmette birlik shuari arqiliq yenimu yüksek sewiye yetküzimiz.»

«‹sabah› géziti», türkiye énérgiye we tebiiy bayliqlar ministiri alparslan bayraqtarning, türkiyening énérgiye jehette öz - özige xoja bolush nishani heqqide xush xewer  bérip mundaq  dégenlikini oqurmenliri bilen ortaqlashti:

«6-ayda sakarya tebiiy gaz sahesining jenubida néfit quduqi kolaymiz, sinop, trabzon we rize déngiz sahilliridimu néfit quduqi kolaydighan jaylayni békittuq.»

«‹xewer türk› géziti», türkiyege kelgen, türkiyedin bashqa döletlerge ketken we tranzit yoluchilirini öz ichige alghan sayahet paraxotliri yoluchilirining sanining bu yil birinchi pesilde aldinqi yilining oxshash mezgilige sélishturghanda% 79.15 éship, 61 ming 113 ke yetkenlikini yazdi.