13.05.2024

türkiye awazi radiyosi: «hürriyet» géziti: jumhur reis rejep tayyip erdoghanning girétsiyening «katémérini» gézitining türkiye-girétsiye munasiwiti heqqidiki soallirigha jawab bergenlikini xewer qildi.

gézitning xewiride körsitilishiche, erdoghan saqliniwatqan mesililerni hel qilish yolida qedemlerning muhimliqini tekitlep: «ikki döletning ikki tamning arisigha siqishturulmaqchi bolghan munasiwitining yolini rawanlashturup, bir tereplime qarashlar bilen bézelgen bu tamlarni chéqiwétish bizning qolimizda. biz menggülük tinchliq ornitish üchün tirishimiz» dégen.

«star» géziti: bélgiye shahzadisi lauréntning <jumhur reis erdoghanning türkiyeni dunyaning mudapie sanaitidiki eng munewwer döletliri qatarigha kirgüzgenliki>ni bildürüp: «erdoghan ependi hazir dunyaning eng yaxshiliri qatarigha kirgen qoral sanaitini tereqqiy qildurdi. shimaliy atlantik ehdi teshkilati — nato bash katipi yéns stolténbérgmu türkiyening utuqlirigha yoqiri baha béridighanliqini bildürdi. türkiyening yoshurun küchi zor. türkiye yene bizge özimizni qandaq tereqqiy qilduralaydighanliqimizni körsitip béreleydighan bir dölet. men yawropaning bashqa döletlerdin öginidighan nersiliri bar, dep qaraymen» dégenlikini yazdi.

«sabah» géziti: türkiyening 1-aydin 4-ayghiche bolghan jeryandiki hesel éksportining 11 milyon 477 ming 245 dollargha yetkenlikini؛ amérika, gérmaniye we ispaniyening tertipi boyiche eng köp hesel éksport qilinghan üch dölet bolghanliqini xewer qildi.

«weten» géziti: antalyaning bu yil 418i 5 yultuzluq bolup, jemiy 812 méhmanxanisida méhmanlirini kütüwéliwatqanliqini yazdi.

gézitning xewiride körsitilishiche, bultur 16 milyondin artuq chet ellik sayahetchi ziyaret qilghan we bu yilmu yéngi rékortlarni yaritiwatqan antalya, süpetlik paaliyetler ötküzülüwatqan méhmansarayliri bilen alahide közge chéliqmaqta iken. sheherde 418 i 5 yultuzluq, 218 si 4 yultuzluq méhmanxana bilen 46 dane 5 we 4 yultuzluq tetil yézisi bar iken.

«xabertürk» géziti: döletlik oqya étish mahiri mete gazozning gérmaniyening éssén shehirde ötküzülgen chémpiyonluqni talishish musabiqisining hel qilghuch musabiqiside, silowéniyelik reqibi dén xabjan malawasichni 0 ge qarshi 6 netije bilen yéngiwalghanliqini yazdi.

xewerde körsitilishiche, 2020-yili olimpik, 2023-yili dunya chémpiyonluqigha érishken milliy tenheriketchi, kespiy hayatida tunji qétim yawropa chémpiyoni bolghan.