22.04.2024

türkiye awazi radiyosi: «hörriyet géziti», tashqi ishlar ministiri xaqan fidanning tünügün (21-aprél) mawritaniye tashqi ishlar ministiri muhemmed salim wild merzuqi bilen birlikte axbarat élan qilish yighini ötküzgenlikini xewer qildi.

xewerde, xaqan fidanning «1967-yili belgilengen chégralar asasida paytexti sherqiy quddus bolghan, igilik hoquqqa ige we musteqil pelestin döliti qurulghiche tirishchanliqlirimiz üzlüksiz dawamlishidu» dégenliki bildürüldi.

«star géziti», jenubiy koréyening enqerediki bash elchisi jéyong yéondoning türkiye-jenubiy koréye otturisdiki mudapie sanaiti sahesidiki hemkarliqlar üstide toxtilip: «türkiyening uchquliri, déngiz apparatliri we eng yéngi téxnologiyege ige küreshchi ayropilan qatarliq mudapie sahesini tereqqiy qildurushta muhim muweppeqiyetlerni qolgha keltürgenliki sewebidin, ikki dölet otturisida mudapiede yéngi hemkarliqlarni ornitish pursetlirining barliqini oylawatimen» dégenlikini xewer qildi.

«sabah géziti», türkiyening oxshimighan sheherliridin afghanistangha bérip xalisane xizmet qiliwtqan 12 kishilik sehiye etritining, paytext kabuldiki atatürk balilar doxturxanisida opératsiye qilish we dawalash xizmetlirini bashlighanliqini xewer qildi.

xewerde, türkiyelik doxturlarning afghanistandiki balilargha ümid béghishlighanliqi qeyt qilindi.

«xeber türk géziti», aydinning kushadasi (qush arili) nahiyesige 2023-yili 531 paraxotta 785 ming chet ellik sayahetchining kelgenlikini, bu yil (2024)  625 paraxotta 1 milyon chet ellik sayahetchining kélishining kütülüwatqanliqini xewer qildi.