19.04.2024

türkiye awazi radiyosi: «sabah» géziti: jumhur reis rejep tayyip erdoghanning iranning israiliye hujumigha qarshi chaqmaq tézlikide heriketke ötken gherbning, ghezze mesilisige süküt qilishigha naraziliq bildürüp: «biz gherb döletlirining bir gewde halitide irangha naraziliq bildürüleydighanliqini körduq. bu küchler emdi bolsimu bir gewde halitide israiliyege <toxta> déyishi kérek» dégenlikini yazdi.

«star» géziti: türkiye büyük milliy mejlisi bashliqi numan qurtulmushning zionizm zulumigha uchrighan barliq pen-tetqiqatchilargha chaqiriq qilip: «türkiyening ishiki barliq pen-tetqiqatchilargha ochuq» dégenlikini xewer qildi.

«yéngi shepeq» géziti: girétsiye bash ministiri kiriyakos michotakisning iyon we ege déngizida qurmaqchi bolghan déngiz-okyan baghchiliri pilanining türkiyening qattiq naraziliqini qozghighanliqini yazdi.

gézitning xewiride körsitilishiche, türkiye jumhuriyiti tashqi ishlar ministirliqi bayanat élan qilip, xelqara kélishimlerge asasen, girétsiye terepning özige tewe bolmighan aral we aralchilarda xalighanche heriket qilish hoquqi yoqluqini bildürgen.

«xabertürk» géziti: engliye awiyatsiye bahalash orgini — skaytraks (Skytrax)ning dunyadiki eng yaxshi ayrodurumlarni bahalap békitkenlikini yazdi.

xewerde körsitilishiche, yoluchilar bilen élip bérilghan el rayi tekshürüshini asas qilghan tizimlikte, istanbul ayrodurumi «2024-yilliq dunya ayrodurum mukapatliri» tizimlikide 10-qatardin orun alghan.

«hürriyet» géziti: yawropaning eng chong pen-téxnika yermenkisi —mobaylfést (Mobilefest)ning  25-apréldin 27-aprélghiche istanbulda ötküzülidighanliqini xewer qildi.

gézitning xewiride körsitilishiche, tötinchi qétimliqi ötküzülidighan mobaylfést xewerlishish téxnikisi yermenkisi we qurultiyi 300 din artuq marka we 20 mingdin artuq ziyaretchini kütüwalidiken.