12.10.2021

türkiye awazi radiyosi: <<yéngi shepeq géziti>>, türkiye jumhur reisi rejep tayyip erdoghanning kabént yighinidin kéyin bayanat élan qilip, süriyedin türkiyege qiliniwatqan térrorluq hujumlirigha qarshi chidap turushning mumkin emeslikini éytqanliqini xewer qildi.

xewerde, rejep tayyip erdoghanning: <<saqchilirimizgha qilinghan hujum we zéminimizgha xilap qilmishlar, piyalidiki suni tashquzghan bir tamche boldi. mesilini hel qilish üchün eng qisqa waqit ichide kéreklik qedemlerni tashlaymiz>> dégenliki bildürüldi.

<<hörriyet géziti>>, türkiye ichki ishlar ministiri süleyman soyluning dölet ichidiki térrorluqqa qarshi küresh toghrisida toxtalghanda: <<burun kirilmigen qanchilik jaylar bolsa, qarangghu taghlarni öz ichige alghan halda her bir yerge kirip, herbiy heriket élip barduq we térroristlarni tiz püktürduq>> dégenlikini xewer qildi.

<<xeber türk géziti>>, aptomobil sanaiti jemiyitining bu yil (2021) ning deslepki toqquz éyidiki aptomobil ishlepchiqirish melumatlirini élan qilghanliqini xewer qildi.

xewerde, bu yilning deslepki toqquz éyida ishlepchiqirilghan aptomobil sani aldinqi yil (2020) ning oxshash mezgilidikige sélishturulghanda %8 éship 921 ming 619 danige yetkenliki, éksport qilinghan aptomobil sanining bolsa %9 éship 671 ming 674 danige yetkenliki qeyt qilindi.

<<sabah géziti>>, türkiye hawa yolliri shirkitining 4-öktebirdin 10-öktebirgiche bolghan waqitta, her küni 1185 ayropilan sepirini emelge ashurup, yawropada eng köp ayropilan sepirini emelge ashurghan ikkinchi hawa yolliri shirkiti bolup qalghanliqini xewer qildi.