07.09.2021

türkiye awazi radiyosi: «xeber türk géziti», türkiye jumhur reisi rejep tayyip erdoghanning tünügün (2021-yili 6-séntebir) échilghan kabént yighinidin kéyin élan qilghan bayatida, iqtisadiy sahediki tereqqiyatlar üstide toxtalghanliqini xewer qildi.

xewerde, rejep tayyip erdoghanning: «iqtisadimiz üzlüksiz ashti. ötken yili (2020) 93.3 milyard dollar bilen axirlashturghan péréwot zapisimiz, 27-awghusttin bashlap 118 milyard dollardin ashti» dégenliki qeyt qilindi.

«hörriyet géziti», muawin ichki ishlar ministiri we ministirliqning bayanatchisi ismail chataklining tünügün ötküzülgen axbarat élan qilish yighinida: «hazir türkiyege afghanistandin kelgen köchmenler sanida, ötkenki yillargha sélishturghanda oxshimaydighan éshish, yéqinqi yillargha munasiwetlik gheyriy resmiy yüksélish, dölitimizning chégralirigha yéqinlashqan qebililer halidiki yéngi chong köch éqimi qetiy yüz bermidi» dégenlikini xewer qildi.

«star géziti», awghust éyida (2021) türkiyening ispaniyege qiliwatqan éksport miqdarining %45.7 éship 807.1 milyon dollargha yetkenlikini xewer qildi.

«weten géziti», yawropa ayropilan seperliri bixeterlik teshkilati (EUROCONTROL) türkiye hawa yolliri shirkitining 30-awghusttin 5-séntebir arisida her küni emelge ashurghan 1 ming 297 qétimliq apropilan sepiri bilen, yawropada eng köp ayropilan sepiri qilghan ikkinchi hawa yolliri shirkiti bolghanliqini xewer qildi.