18.02.2021
bügünki türkiye metbuatliridin tallap teyyarlighan xewerlirimiz töwendikiche:
türkiye awazi radiyosi: «xebertürk géziti», türkiye jumhur reisi rejep tayyip erdoghanning kabét yighinidin kéyin bayanat élan qilip, qedemmu qedem normallishish musapisini bashlaydighanliqini bildürgenlikini xewer qildi.
xewerde, rejep tayyip erdoghanning, «sehiye ministirliqimizning shertliri boyiche wilayetlirimizni töt guruppigha ayrip, mart éyi béshidin tartip qedemmu qedem normallishish musapisini bashlaymiz. buninggha asasen, wilayetlirimizni töwen, ottura we eng yuqiri xeterlik dep guruppigha ayriymiz. normallishishni mushu boyiche ijra qilimiz» dégenliki qeyt qilindi.
«yéngi shepeq géziti», engliy taratqulirida türkiyede yasalghan herbiy uchquchisiz hawa apparatlirining munazire qiliniwatqanliqini xewer qildi.
engliyede chiqidighan «télégraf géziti» de, ezerbeyjanning taghliq qarabaghda qolgha keltürülgen ghelibilirining arqisida, türkiyede yasalghan uchquchisiz hawa apparatlirining barliqi xewer qilindi.
«star géziti», türkiye dölet mudapie ministirliqining girétsiy teripidin téléfonliri we pulliri tartiwélinghandin kéyin, mejburiy halda qanunsizliq bilen türkiyege qoghliwétilgen we tonglap qélish xetiri astidiki köchmenlerning qutquzuwélinghanliqini élan qilghanliqini xewer qildi.
«sabah géziti», qatnash ministiri adil karaismailoghluning qoyup bérilgen «5A- türksat» süniy hemrahi toghrisida bayanat élan qilghanliqini xewer qildi.
xewerde, adil karaismailoghluning, «süniy hemrahning barliq esliheliride hazirghiche héchqandaq mesile körülmidi. süniy hemrah orbétasigha yétip barghandin kéyin, orbéta siniqi qilinidu we iyun éyidin bashlap xizmet bérishni bashlaydu» dégenliki qeyt qilindi.
