tekirdagh hayrabolu tatliqi

hörmetlik radiyo anglighuchilar! ilker tashqin teripidin teyyarlanghan «türkiyening rayonlargha xas tizimgha élinghan mehsulatliri» namliq sehipimizning bu heptilik sanida, «tekirdagh hayrabolu tatliqi» ni tonushturimiz.

tekirdagh hayrabolu tatliqining türkiyening rayonlargha xas mehsulatliri tizimlikige kirgüzülgen waqti: 09.08.2021

****** ********* ******

türkiyening marmara déngizigha jaylashqan sheherliridin biri tekirdaghning hayrabolu nahiyesining ismi  bilen atalghan «heyrabolu tatliqi» pishlaqliq we sherbetlik bir tatatliq yémeklik türi hésablinidu. u hayrabolu nahiyelik hökümitining iltimasi bilen  2021-yili türkiyening rayonlargha xas tizimgha élinghan mehsulatliri qatarigha kirgüzülgen idi.  hayrabolu tatliqini yasashta, asasen tatliq yémeklikge xas pishlaq hazirlinidu. rayonning otlaqlirida östürülgen kala sütidin teyyarlinidighan pishlaqni deslepte qiyma mashinisida inchike toghrashqa toghra kélidu. kichik parchilanghan pishlaq andin chong qachida tuxum, uruq, un we karbonat qétilip yaxshi yughurulidu.  hasil qilinghan xémir saqlitilmastin derhal yérim shargha oxshash késilip ligenge tézilghandin kéyin, 330 sélsiye gradusta 15 minut pishurulidu. andin öy témpératurasida sowutulidu. sowutulghan tatliq xémir üchün su, shéker we limon arilashmisidin yasalghan sherbet teyyarlinidu. andin tatliq xémir bilen sherbet birla waqitta qaynitilidu. ustiliq telep qilidighan bu basquchta, pishurulghan xémir anda-sanda örülüp, tatliq türümning ichi we pütün yüzge sherbet sürkilidu. tatliq sherbetni toluq özige alghandin kéyin, uni ayrim bir qachigha sélip sowutulidu. sowughandin kéyin, dastéxangha sunulidighan hayrabolu tatliqining üstige yaqturushqa asasen yangaq, yer yangiqi méghizi, yawa yangaq méghizi, tahin we qaymaq qoshup méhmanlargha sunulidu.

hayrabolu tatliqi qurutulghan shekildimu sétilidu. 8 ayghiche buzulmaydu. emma sherbetlengen hayrabolu tatliqini bolsa, eng az dégendimu 10 kün ichide istémal qilishqa toghra kélidu.