tiyatirgha barimen, chünki

tiyatirgha barimen, chünki

chünki (03)

 bügün biz tarixi 3000 yilgha sozulidighan bir senet türi bolghan tiyatir heqqide toxtilimiz. yeni, aridin shunche uzun zamanlar ötkinige shundaqla, kino, téléwiziye we ijtimaiy taratqu qatarliq amillarning shunche omumlishishigha qarimay hazirmu turmushimizda mewjutluqini dawamlashturuwatqan  tiyatir heqqide toxtilimiz.

***** ***** *****

«tiyatirgha barimen, chünki» dégendin kéyin arqisigha tizilidighan  éniqlimilar kishige köre oxshimasliqi mumkin. biz bularni bir omumiy ramka ichide silerge sunushqa tirishimiz.

tiyatir aldi bilen oxshimighan medeniyetni chüshinish we bahalash pursiti bilen teminleydu. oxshimighan zaman we makanlarda qoyulghan oyunlar, tamashibinlargha oxshimighan medeniyetlerni bayqash we chüshinish pursiti yaritip béridu. uningdin bashqa yene, tiyatirlarning témisi, bolupmu yash tamashibinlar üchün qiziqishning yéngi ishiklirini achidu.

*** **** ******** *****

körünüshlük, awazliq we héssiy amillarni teng özige mujessem qilghan tiyatir tamashibinlargha shu waqittila shu yerdila körülidighan bir tejribe ata qilidu. künimizde omumlashqan öyde yalghuz kino yaki téléwiziye tiyatirlirini körüshke oxshimighan halda sehnide neq meydan tiyatirlirini körüsh kishilerni bir yerge jem qilidighan we ijtimaiy éngini kücheytidighan paaliyet hésablinidu. tiyatir körüsh jeryanida, oxshash ishni qilghan kishiler bilen özara rishte shekillinidu. bumu edebiy eserlerni oqughanda yaki kino körgende pérsonazhlirimizgha hésdashliq tuyghumizni yuqiri kötürüshtin téximu köp nersilerge ige qilidu.

**** ***** ******

tiyatir sehne layihesidin kiyim-kécheklirigiche, tékisttin tartip artisliq téxnikilirighiche nurghun ijadiy éléméntlarni öz ichige alidu. tiyatirni körüwatqanda, bu éléméntlarning shekillinish jeryanini ixtiyari yaki ixtiyarsiz körgen tamashibinlarning öz etrapidikilerge bolghan köz qarishi ijabiy shekilde özgiridu. istétik angning küchiyishi insanning ishliridiki estayidilliqini ashurushqa tesir körsitidu.

*** **** *****

gerche senette «chünki» ning yoqluqini, senetning meqsitining peqetla özi ikenlikini tilgha alidighan mutepekkurler bolsimu, biz tiyatirgha bérishning paydisigha «héchkim qarshi chiqmaydu» dep qaraymiz. senetchilerning eserlirini otturigha qoyuwatqanda héchqandaq menpeetni közde tutmasliqi, «tamashibinlarmu uningdin payda alsa bolmaydu» dégenlik bolmaydu. shunga, biz bügün silerge tiyatirgha baridighan bir künni tilesh bilen xoshlishimiz.