адана кавипи

түркийәдики ашханиларда әң көп пишурулиған вә истемал қилинидиған таамлардин бириниң «адана кавипи» икәнликини биләмсиз?

адана кавипи түрк ашханилириниң әң даңлиқ таамлириниң бири болуп, түркийәниң җәнубидики адана шәһириниң нами билән тонулған. даңқи түркийәдин һалқип кәткән бу кавап, бүгүнки күндә нурғун дөләтләрдә йақтуруп истемал қилиниду.

әрәбчидин түркчәгә киргән «кавап» ибариси, «қачида йаки отта сусиз пишурулидиған гөш» дегән мәнини билдүриду.

адананиң мәркизигә җайлашқан чуқорова районида узундин буйан кавап қилиниду. буниңдин тәхминән 4000 йил илгирики дәвргә аит бәзи археологийәлик байқашларда көрситилишичә, әйни вақитта бу районда зих кавипи қилинған. бүгүнки күндики адана кавипи болса 19-әсирниң кейинки йеримида, адананиң тарихий «қазанчилар базири» да оттуриға чиққан.

адана кавипини башқа каваплардин пәрқләндүридиған әң рошән алаһидилик болса ишлитилидиған гөштур. адана кавипи өзигә хас  өсүмлүкләргә игә район йайлақлирида беқилидиған қочқар гөшидин қилиниду. әгәр гөш қочқарниң болмиса, кавапниң тәми ләззәтлик болмайду. адана кавипида ишлитилидиған гөш аданаға хас болған наһайити иттик пичақ билән тоғрилиниду. тоғралған гөшкә пақланниң қуйруқ йеғи, қизилмуч вә туз илавә қилиниду, башқа тетитқулар ишлитилмәйду. тоғралған гөш зихтин өткүзүлүп, отун отида пишурулиду. адана кавипи һәмишә сир дәрихи әзмиси билән пийаз қошулған салат вә йешил салат билән биллә истемал қилиниду.

охшимиған районларға кәң тарқалған адана кавипи, алаһидиликиниң қоғдап қелиниши үчүн, түркийә патент қануни вә тавар маркиси идариси тәрипидин «районға хас таам» тәриқисидә тизимға елинған.