мода санаити саһәсиниң муһитқа селиватқан зийини барғансери көпәймәктә

кийим-кечәкниң өмриниң қисқиришиға әгишип, мода санаити саһәсиниң муһитқа селиватқан зийини барғансери көпәймәктә.

бирләшкән дөләтләр тәшкилати муһит мәһкимисиниң санлиқ мәлуматлириға қариғанда,  һәр йили мода санаити саһәси үчүн 159 милйон түп дәрәх кесилип, 93 милйард куб метир су ишлитилидикән.

мутәхәссисләрниң қаришичә, мода санаити саһәсиниң тәбиий байлиқларға кәлтүргән зийиниға, бу саһәниң тәбиий байлиқларни һәддидин зийадә ишлитиши сәвәб болмақта икән.

бирләшкән дөләтләр тәшкилати муһит мәһкимиси тәрипидин 2022 – йили елан қилинған «мода саһәсиниң 2021 – йилдин 2024 – йилғичә болған  имканийәтлик сиҗил истратегийәси» темилиқ доклатта, мода санаити саһәсиниң  килимат өзгириши вә екологийәлик киризисқа әң көп тәсир көрситидиған, тәбиий байлиқлардин наһайити көп пайдилинидиған саһә икәнлики оттуриға қойулған. шундақла ташқатма йеқилғуға тайинидиған, тәминләш зәнҗири сәвәбидин муһит булғинишни кәлтүрүп чиқиридиған вә көп миқдарда әхләт пәйда қилидиған саһә икәнлики тәкитләнгән.

кийим-кечәкниң өмриниң қисқиришиға әгишип, мода санаити саһәсиниң муһитқа селиватқан зийини барғансери көпәймәктә

дунйада һәр йили 100 милйардтин артуқ кийим - кечәк ишләпчиқирилиду.

мода санаити саһәси үчүн һәр йили 159 милйон түп дәрәх кесилиду.

кийим-кечәк ишләпчиқириш үчүн һәр йили 93 милйард куб метир су ишлитилиду, бу йәр шарида ишлитиливатқан суниң % 4 гә тоғра келиду.

мода санаити саһәсиниң килимат өзгириши вә екологийәлик кризисқа әң көп тәсир көрситидиған саһә икәнлики оттуриға қойулмақта.

мода санаити саһәсиниң карбон қойуп бериш миқдариниң йәр шаридики қойуп бериш нисбитиниң % 2 тин% 6 кичә тоғра келиду.

бирләшкән дөләтләр тәшкилати муһит мәһкимиси тәрипидин 2022 – йили елан қилинған «мода саһәсиниң 2021 – йилдин 2024 – йилғичә болған  имканийәтлик сиҗил истратегийәси» темилиқ доклатта көрситилишичә, кийим-кечәкләрни бойаш вә пишшиқлап ишләш нәтиҗисидә, болупму баңладиш, һиндонезийә, өзбекистан, хитай вә камбоджа қатарлиқ дөләтләрдә еғир булғиниш көрүлгән, мода вә тоқумичилиқ санаити саһәси йеқинқи 15 йилда еғир булғинишни кәлтүрүп чиқарған.

доклатта тәкитлинишичә, техиму көп ишләпчиқириш нәтиҗисидә техиму көп ташландуқларниң пәйда болуши булғинишниң көпийишидики әң муһим сәвәб икән.

доклатта мундақ дейилгән: «дунйа миқйасида һәр секунтта оттура һесаб билән бир йүк машинисичилик кийим - кечәк  ташливетилиду йаки көйдүрүветилиду.»

мода вә тоқумичилиқ санаити саһәси дөләт һалқиған қурулмиға игә болғачқа, әшйа обороти басқучлириму еғир карбон қойуп беришни кәлтүрүп чиқармақта. дунйаниң һәрқайси җайлирида наһайити чоң тоқумичилиқ әхләт дөвилири һасил болмақта. африқаниң ақра райониға һәр һәптә оттура һесаб билән 60 контейнер кийим-кечәк әвәтилиду. африқалиқлар һәр йили ташливетилгән 15 милйон кона кийим-кечәк дөвилиригә дуч келиду. бу кийим - кечәкләрниң 40 пирсәнтиниң сүпити интайин начар болғанлиқтин, қайта пайдиланғили болмайду.

«мәһсулатлар техиму қуруқ басқучлар арқилиқ бир тәрәп қилиниши керәк».

қайта пайдилинишқа болидиған тоқумичилиқ мәһсулатлирини қуруқ басқучлар арқилиқ  ишләпчиқириш, йуйуш җәрйанлирини азайтишни көрситиду. дунйаниң нурғун җайлирида қурғақчилиқ йүз бәрмәктә, шуңа шунчә көп суни исрап қилиш килимат адаләтсизликини пәйда қилмақта.

муһит тәсирини өлчәшкә болидиған, су ишлитиш, су тазилиқи, тупрақ вә оғут ишлитиш нәзәргә елинидиған, җанлиқларниң көп хиллиқи қоғдилидиған ишләпчиқириш усуллири билән кәлгүсимизни қоғдаш үчүн бәзи чарә – тәдбирләрни бекитишимиз керәк.