toqumichiliqta su ishlitish miqdari téz moda éqimigha egiship barghanséri köpeymekte

toqumichiliq saheside her yili texminen 79 milyard kub métir su ishlitilidu. 2030-yiligha barghanda bu miqdarning téz moda éqimgha egiship 120 milyard kub métirgha yétishi mölcherlenmekte.

birleshken döletler teshkilati soda we tereqqiyat konféransi bilen yawropa parlaméntining doklatlirigha asaslanghanda, dunya miqyasida her yili texminen 79 milyard kub métir su ishlitilidiken.

bir yilda 5 milyon kishining su éhtiyajini qandurushqa yétidighan bu miqdarning 2030 – yiligha barghanda 120 milyard kub métirgha yétishi mölcherlenmekte iken.

paxtiliq bir mayka ishlepchiqirish üchün texminen 2700 litir su serp qilinidu. bu bir adem ikki yérim yil ichidighan suning miqdarigha teng kélidu.

bir jénis shim ishlepchiqirishta ishlitilidighan texminen 7 ming 500 litir su bolsa bir adem 7 yil ichidighan suning miqdarigha teng kélidu.

2000 – 2015 - yilliri kiyim - kéchek ishlepchiqirish miqdari bir hesse ashti. shuning bilen bir waqitta, kiyim - kéchek mehsulatlirining otturiche ishlitilishi téz moda éqimning tesiride barghanséri azaymaqta.

yer shari xaraktérlik %20 lik kéreksiz su ishlitilip mehsulat ishlepchiqirilidighan moda saheside her sékuntta bir exlet aptomobilliq toqumichiliq matériyalliri köydürüwétilidu yaki tashliwétilidu.

kona kiyim - kécheklerning yérimidin azraqi qayta ishlitilish yaki qayta paydilinish meqsitide yighiwélinidu. bu kiyim – kécheklerning peqet %1 i yéngi kiyim - kécheklerge aylandurulidu.

énirgiyedin qalsa muhitni eng köp bulghawatqan sahe hésablinidighan moda sahesimu yer shari xaraktérlik karbon qoyup bérish miqdarining % 10 ni teshkil qilidu.  bu xelqara nöwetchi ayropilanlar we tiransport paraxotliri keltürüp chiqiriwatqan karbon qoyup bérish miqdaridinmu köptur.

undaqta toqumichiliq ishlirida qandaq qilghanda énérgiye we suni téjep qalghili bolidu?

mehsulatlarni muwapiq issiqliqta yuyush, muwapiq usulda qurutush, bezi mehsulatlarni körsetme boyiche qurutush intayin muhim.

bu nuqtida hem su hem énérgiye téjep qalghili bolidu.

buningdin bashqa yene, toqumichiliq mehsulatlirini qayta pishshiqlap ishlesh zawutlirining qayta paydilinish ishlirigha meblegh sélip, kéreksiz suni ishlitishke ehmiyet bérishige toghra kélidu.

yene bir tereptin, ishlitilgen suni qaytidin süzüp, ishlepchiqirish ishlirida paydilinishmu intayin muhim. bolupmu kéreksiz suning % 70 tidin  ishlepchiqirish ishlirida paydilanghili bolushtek muhim tallashni nezerdin saqit qiliwetmeslik kérek.

menesi: anadolu agéntliqi (AA).