анадолуниң өзигә хас ноқути

шәрқий җәнуби анадолу районида йеңи ноқут түриниң барлиқини биләмсиз?

шәрқий җәнуби анадолу райони дунйадики тунҗи деһқанчилиқ районлиридин бири. ақдеңиз университити елип барған тәтқиқатлар давамида, шәрқий җәнубий анадолу районида қаттиқ исиқ вә қурғақчилиққа чидамлиқ бир хил ноқут тепилди. йүрәк шәкиллик данлири билән диққәт қозғайдиған бу ноқут түркийә җумһурийити қурулғанлиқиниң 100 - йиллиқи мунасивити билән «турҗиҗум» дәп аталди.

йеңи тепилған бу ноқут өсүмлүк илми саһәсидә дунйадики әң муһим журналлардин бири болған «‹өсүмлүк илминиң чәк – чегралири› журнили» да елан қилинип, илим дунйаси билән йүз көрүшти. хәлқара өсүмлүк саһәсигә йәрлик данлиқ зираәт сүпитидә киргән бу йеңи ноқут чәт әлләрдә ноқут тәтқиқати билән шуғуллинидиған алимларниңму диққитини қозғимақта.

тәтқиқатлар нәтиҗисидә «турҗиҗум» ниң бәзи зийанлиқ һашаратларға тақабил туруш иқтидариниң % 100 икәнлики, һәтта наһайити қаттиқ иссиқ вә сусизлиққа чидамлиқ икәнлики ениқлап чиқилди.

әгәр бу ноқутниң гени башқа ноқут сортлири билән чаңлаштурулса, техиму көп есил ноқут сортлириға еришкили болиду.

шу вәҗидин, йәр шари характерлик иссип кетиш тәһдитигә учраватқан дунйамизда бу йеңи ноқут түриниң деһқанчилиқ ишләпчиқиришиға болған әһмийити техиму зораймақта.