biz heqiqeten yéqin asmanni yultuzlar (nuri) bilen zinnetliduq

türkiye awazi radiyosi: saffat sürisi, 1 - 29 - ayetler. nahayiti shepqetlik we méhriban allahning ismi bilen bashlaymen. sep ـ sep bolup turghan, düshmenlerge qarshi at sélip turghan, (allahtin medet tilep) kalamullahni tilawet qilip turghan (ghazat qilghuchi) qoshun bilen qesemki[1 ـ 3]. silerning ilahinglar shek ـ shübhisiz bir ilahtur[4]. (u) asmanlarning, zéminning, ularning arisidiki nersilerning we meshriqlerning perwerdigaridur[5]. biz heqiqeten yéqin asmanni yultuzlar (nuri) bilen zinnetliduq[6]. allahning itaitidin chiqquchi her bir sheytandin uni qoghdiduq[7]. ular perishtilerning (sözliridin héch nersini) angliyalmaydu, ular, qoghlinishi üchün, her tereptin, aqquchi yultuzlar bilen étilidu, ular (axirette) daimliq azabqa qalidu[8ـ9]. lékin (asman xewerliridin) oghriliqche bir nerse anglighan sheytanni yoruq yultuz qoghlap (köydürüp tashlaydu)[10]. ulardin (yeni ölgendin kéyin tirilishni inkar qilghuchilardin) sorap baqqin! ularni yaritish qiyinmu? ya bizning yaratqanlirimiz (yeni asman ـ zémin we ularning arisidiki perishtiler we chong mexluqatlar) ni yaritish qiyinmu? biz heqiqeten ularni (yeni ularning esli bolghan ademni) yépishqaq laydin yarattuq[11]. (i muhemmed!) sen ularning allahning qudritini körüp turup, ölgendin kéyin tirilishni inkar qilghanliqidin belki ejeblinersen. ular bolsa séni mesxire qilishidu[12]. ulargha (quran bilen) wez ـ nesihet qilinsa (wez ـ nesihetni) qobul qilmaydu[13]. ular birer möjizini körse mesxire qilishidu[14]. ular: «bu roshen séhirdur, biz ölüp topigha we quruq söngekke aylanghandin kéyin rastla tirilemduq? bizning burunqi atilirimizmu tirilemdu?» deydu[15ـ17]. éytqinki, «hee, siler xar halda tirilisiler»[18]. bir awazni (yeni israpilning chalghan surini) anglash bilenla (mehshergahqa) hazir bolup (özlirige néme qilinidighanliqigha) qariship turidu[19]. ular: «way isit! bizge bu qiyamet künidur» deydu[20]. bu siler inkar qilghan (heq bilen batil) ayrilidighan kündur[21]. (allah perishtilirige éytidu) zulum qilghuchilarni, ularning (mushrikliktiki, kufridiki) qayashlirini we ularning allahni qoyup choqunghan butlirini (mehshergahqa) toplanglar, andin ularni dozaxning yoligha bashlanglar[22ـ23]. ularni toxtitip turunglar, chünki ular (jimi sözliri we ishliridin) soal ـ soraq qilinidu[24]. (andin) ulargha: «némishqa (dunyadiki halitinglargha oxshash) bir ـ biringlargha yardem qilmaysiler?» (déyilidu)[25]. belki ular bügün boysunghuchilardur[26]. ular bir ـ birige qarap munazirilishidu[27]. egeshküchiler egeshtürgüchilerge: «siler (sözünglarning rastliqigha) qesem ichip bizni imandin tosuyttunglar» deydu[28]. (egeshtürgüchiler egeshküchilerge) éytidu: «siler (öz ixtiyaringlar bilen) mömin bolmidinglar[29].