allah adil höküm qilghuchidur, (xalayiqning ehwalini) bilgüchidur

türkiye awazi radiyosi: sebe sürisi, 23 - 32  - ayetler. allah izni bergen ademdin bashqigha allahning dergahida shapaet payda bermeydu. shapaet qilghuchilarning dilliridin qorqunch kötürülgende, ular andin (bezisi bezisige): «perwerdigaringlar (shapaet toghroluq) néme dédi?» deydu. ular (jawaben): «heqni (dédi) (yeni möminlerge shapaet qilishqa ruxset qildi)» deydu. allah yüksektur, kattidur[23]. éytqinki, «silerge asmanlardin we zémindin kim riziq bérip turidu?» éytqinki, «allah (riziq bérip turidu), shübhisizki, biz yaki siler choqum hidayettidurmiz, ya roshen gumrahliqtidurmiz»[24]. éytqinki, «bizning qilghan gunahimiz üchün siler soraqqa tartilmaysiler, silerning qilmishinglar üchün biz soraqqa tartilmaymiz»[25]. éytqinki, «perwerdigarimiz bizni (qiyamet küni) yighidu. andin bizning arimizda heqliq bilen höküm chiqiridu, allah adil höküm qilghuchidur, (xalayiqning ehwalini) bilgüchidur»[26]. éytqinki, «manga éytip béqinglarchu, silerning allahning shériki dep atiwalghininglar hergizmu undaq emes, belki u ـ allah ghalibtur, hékmet bilen ish qilghuchidur»[27]. séni biz peqet pütün insanlar üchün (möminlerge jennet bilen) xush xewer bergüchi we (kapirlarni azab bilen) agahlandurghuchi qilip ewettuq. we lékin insanlarning tolisi (buni) bilmeydu[28]. ular: «eger siler rastchil bolsanglar, bu wede (yeni siler bizni qorqutuwatqan azab) qachan ishqa ashidu?» deydu[29]. éytqinki, «silerge (azab üchün) wede qilinghan bir kün barki, uningdin birdemmu ilgiri ـ kéyin bolmaysiler»[30]. kapirlar: «bu qurangha we uningdin ilgiriki kitablargha hergiz ishenmeymiz» deydu. eger zalimlarni perwerdigaringning dergahida toxtitip qoyulghan chaghda bezisi bezisi bilen jédellishiwatqanda körseng iding (elwette qorqunchluq halni köretting), bozek qilinghanlar chongchiliq qilghanlargha: «eger siler bolmisanglar biz choqum iman éytattuq» deydu[31]. chongchiliq qilghanlar bozek qilinghanlargha: «silerge hidayet kelgendin kéyin biz silerni uningdin tostuqmu? hergiz tosmiduq, siler özünglar gunah qilghuchi boldunglar» deydu[32].