reqemlik dewrning késelliki — fubbing
«köznek» namliq sehipimizning bügünki sanida, «reqemlik dewrning késelliki — fubbing (Phubbing)» toghrisidiki uchurlarni diqqtinglargha sunimiz!
reqemlik dewrning késelliki — fubbing (Phubbing)
türkiye awazi radiyosi: «fubbing»… hazirche kündilik istémalimizdiki sözlerning bir qismigha aylinalmighan bolsimu, meyli hés qilghan bolayli yaki bolmayli, u alliqachan kündilik turmushimizning bir qismigha aylinip boldi. kéleyluq, eqliy iqtidarliq téléfon xumarining hayatimizgha körsetken we körsitidighan tesirliri mesilisige...
* * * * *
yéqindin buyan téxnikigha xumar bolush we uning türliri dewrimiz kishilirining eng éghir mesililirining birini teshkil qilmaqta. deslipide asasliqi intérnét we oyungha xumar bolup qélish bilen bash kötürgen bu hadise, eqliy iqtidarliq téléfonning tereqqiy qilishi bilen yéngiche tüske ige boldi. eqliy iqtidarliq téléfon xumarigha inglizchidiki «Phone (téléfon)» we «snubbing (nezerdin saqit qilish, suyiéstémal qilish)» dégen sözlerdin qisqartip yasalghan «Phubbing—fubbing» dégen söz bilen éniqlima bérildi.
fobbing ibarisi asasen, etrapidiki kishiler bilen paranglishiwétip yaki ular bilen alaqe qiliwétip téléfonlirini oynashni tashlimaydighan kishiler üchün ishlitilidu.
amérikada élip bérilghan bir tetqiqatta körsitilishiche, tetqiqatqa awaz qatnashturghanlarning %98 i emeliyette mushundaq ehwallargha duch kelgen. démek, eger siz özingizni bu kémide yalghuz dep oylighan bolsingiz, xatalashqan bolisiz.
fubbing jeryanida eng köp ziyaret qilinidighan ijtimaiy taratqu supisi tik tok bolup, uningdin qalsa, nöwiti bilen istagram, twittér we eng axirida feysbuk kélidiken.
tekshürüsh netijiliri, qolimizning daim téléfon terepke kétip qalidighanliqini, hetta, téléwizor körüwatqanlarning 99% ning oxshash waqitta téléfon bilenmu meshghul bolidighanliqini körsetmekte؛ kishilerning %90 i muntizm halda hajetxanida téléfon ishlitidiken, bularning %75 i téléfon diqqitini chéchiwetke, hajetxanida adettikidin köp olturidiken. oyghanghinimizdin tartip uxlighuche bolghan pütün waqtimiz, bashqiche éytqanda, turmushimiz yanfonimiz bilen özara gireliship ketken bolup, tekshürüsh netijisidin ayan bolishiche, tekshürüshke awaz qatnashturghuchilarning %86 i uxlashtin burun téléfonini tekshüridiken, %82 adem oyghinipla derhal téléfongha qaraydiken.
tekshürüsh fubbing hadisisining kishini heyran qalduridighan netijilirini, mesilen, bir kishining téléfongha kelgen uchurgha qarimay turalaydighan otturiche waqtining 64 minut ikenlikini körsitip berdi.
