efes qedimki shehiri

dunyadiki yette möjizening biri bolghan «artémis ibadetxanisi» ning türkiyening efes qedimki shehirige jaylashqanliqini bilemsiz?

izmir wilayitining selchuq nahiyesi chégralirigha jaylashqan efes, dunyada bilinidighan tunji olturaq rayonlardin biri. tarixi miladidin burunqi  8000-yillargha tutishidighan efes qedimiy shehiri, muhim soda yollirigha jaylashqan istiratégiyelik orni bilen tarix boyiche nurghunlighan oxshimighan medeniyetlerge sahibxaniliq qilghan. hélénistik dewr, rim impériyesi, wizantiye impériyesi we osmanli impériyesi qatarliq oxshimighan medeniyetlerge shahit bolghan bu sheher, esirler boyi  üzlüksiz dawamliq olturaq rayoni, siyasiy we soda merkizi alahidilikini saqlap kelgen.

heywetlik layihilinishi bilen tarixtiki eng chong ibadetxanilar qataridin orun alghan we dunyadiki yette möjizedin biri bolghan «artémis ibadetxanisi»  bolsa, efes qedimki shehirining simwolliridin biri. miladidin ilgiriki 550-yili pütken bu ibadaetxana, miladidin kéyinki 400-yili yüz bergen ot apitide éghir ziyangha uchrighan. bügünki künde, ibadetxanining peqet mermer tüwrüklirila saqlinip qalghan.

yiligha ottura hésab bilen 1 milyon 500 ming adem ziyaret qilidighan efes qedimki shehiridiki arxéologiyelik qézip tekshürüsh paaliyetlirining tarixi 125 yil burunqi dewrgiche tutishidu. téxi toluq ashkarilanmighan we anadolu arxéologiyesige yéngi ölchemlerni qazandurushni dawamlashturuwatqan efes qedimki shehiri,  2015-yildin bashlap birleshken döletler teshkilati maarip, ilim-pen we medeniyet orgini (UNESCO) ning dunya medeniyet mirasliri tizimlikidin orun almaqta.