муса қорқунч ичидә әтрапқа баққан һалда шәһәрдин чиқти

түркийә авази радийоси: қәсәс сүриси, 21 - 28 - айәтләр. муса қорқунч ичидә әтрапқа баққан һалда шәһәрдин чиқти, у: «и пәрвәрдигарим! мени залим қәвмдин қутқузғин» деди[21]. у мәдйән тәрәпкә йүзләнгән чағда: «пәрвәрдигарим мени тоғра йолға йетәклиши мумкин» деди[22]. муса мәдйәндики бир булақниң йениға кәлгәндә (маллирини) суғириватқан бир топ кишиләрни көрди. улардин башқа йәнә (қойлирини судин) тосуп турған икки айални көрди. муса уларға: «силәргә немә болди? (йәни қойлириңларни судин тосуп туруп турупсиләрғу?)» деди, улар: «падичилар қойлирини суғуруп болғандин кейин, андин биз суғиримиз, атимиз болса йашинип қалған бовайдур» деди[23]. муса уларниң қойлирини суғуруп бәрди, андин арқисиға бурулуп (бир дәрәхниң) сайисигә берип (олтуруп): «пәрвәрдигарим! маңа ризиқтин неминила бәрсәң, мән һәқиқәтән униңға моһтаҗ» деди[24]. уларниң (йәни у икки айалниң) бири мусаниң йениға уйатчанлиқ билән меңип келип: «(қойлиримизни) суғирип бәргәнликиңниң һәққини бериш үчүн атам сени растла чақириду» деди. муса униң (йәни шуәйбниң) қешиға келип әһвални һекайә қилип бәрди, шуәйб: « қорқмиғин, залим қәвмдин қутулдуң» деди[25]. уларниң (йәни айалларниң) бири ейтти: «и ата, уни сән ишләткин, бу сән ишләткәнләрниң әң йахшисидур, күчлүк, ишәнчликтур»[26]. у (йәни шуәйб) ейтти: «маңа сәккиз йил ишләп беришиң бәдилигә саңа бу икки қизимниң бирини беришни халаймән, әгәр он йилни тошқузувәтсәң (уму) ихтийариң, (он йилни шәрт қилип) сени мушәққәткә селип қойушни халимаймән, худа халиса, мениң йахши адәм икәнликимни байқайсән»[27]. муса ейтти: «бу иккимизниң аримиздики тохтамдур, икки муддәт (йәни сәккиз йил билән он йил) ниң қайсисини тошқузсам тошқузай, маңа артуқчә тәләп қойушқа болмайду, аллаһ бизниң сөзимизгә гуваһтур»[28].