gelibolu yérim arilidiki tarixiy dölet baghchisi

birinchi dunya urushi mezgilide, tarixtiki eng qanliq jengler bolghan gelibolu yérim arilida bir dölet baghchisi barliqini bilemsiz?

gelibolu yérim arilining jenubidiki 33.000 géktarliq sahege, tarixiy ötmüshi, tebiiy bayliqliri we chanaqqele urushi shéhitliri üchün yasalghan shéhitler abidesi bilen birlikte «dölet baghchisi» qurulghan. chanaqqele boghuzining yawropa teripige jaylashqan bu baghcha, 1973-yili qurulghan bolup, birleshken döletler teshkilati teripidinmu étirap qilinghan muhapizet rayonidur. bu rayonda 250 mingdin artuq awstraliye, yéngi zélandiye, engiliye we firansiye eskerliri we 60 mingdin artuq türkiye eskerlirining urush mazarliri we abideliri bar. ziyaretchiler, «tarixiy muhapizet rayoni we medeniyet bayliqi» salahiyiti bilen tizimgha élighan jeng meydanliri we abidelerdin sirt yene, paraxotlar, zembirekler, qorghanlar , qeleler we rawaqlarnimu köreleydu. baghchida, miladidin ilgiriki  4000 – yillargha ait yadikarliqlar orun alghan arxéologiyelik bir muhapizet rayonimu bar.

hem tarixiy hem meniwi jehettin muhim orungha ige bolghan chanaqqele shéhitliri abidesi gelibolu yérim ariligha, chanaqqele boghuzining uchigha jaylashqan. bu abide 1915-yili chanaqqele urushida hayatidin ayrilghan türkiye eskerlirining xatirisige atap yasalghan bolup, heywetlik töt puti we gümbezdin terkib tapqan. égizliki 41.7 métir kélidighan bu abidening qurulushi 1954-yili bashlanghan bolup, 1960-yili 21-awghust küni ziyaretchilerge échiwétilgen.