istanbul ayallar muzéyi
biliwéling - 30
türkiye boyiche tunji, dunya boyiche üchinchi sheherlik ayallar muzéyining istanbul ayallar muzéyi ikenlikini bilemsiz?
2012-yili 25 – séntebir küni intérnét muhiti astida échilghan istanbul ayallar muzéyi, türkiyening birinchi, dunyadiki üchinchi sheherlik ayallar muzéyi bolush süpiti bilen, dunya ölchemlirige toshidighan zamaniwi muessese hésablinidu.
hazirche peqet intérnét arqiliqla ziyaret qilghili bolidighan istanbul ayallar muzéy؛ tunji ayal xettat, tunji ayallar zhurnili neshir qilghuchisi we tunji ayallar kilassik gherb muzika yétekchiliri qatarliq untulup yaki nezerdin saqit qilinip ketken, ötmüshtiki we hazirqi shexslerni tonushturidu. muzéyning daimiy körgezmisi, miladidin burunqi 660 – yili «bizantiyon» nami bilen bashlanghan istanbulning medeniyet - senet hayatida özidin kéyinki ayallar üchün «bashlamchiliq» rolini oynighan, yaki oynawatqan ayallarning terjimihallirigha orun béridu. muzéy yene, uchur bilen teminlesh we diyalog meqsitide medeniyet paaliyetliri we ijtimaiy mesuliyetchanliq layihelirini teyyarlaydu.
türkiyedin we dunyaning herqaysi jayliridin kelgen sayahetchiler, xalighan waqitta, yalghuz yaki dostliri bilen birlikte, muzéy ishqa ashuruwatqan töt xil tildin xalighinini tallash arqiliq istanbul ayallar muzéyini ziyaret qilalaydu.
