muzéy gazxana

bir esir istanbulning yorutush we yéqilghu éhtiyajini qandurghan may iskilatining bügünki künde medeniyet we senet merkizige aylanghanliqini bilemsiz?

 1891-yili istanbulning eng axirqi gazxanisi süpitide mulazimet qilishqa bashlighan hesenpasha gazxanisi, uda 101 yil boyiche sheherning yorutush we yéqilghu éhtiyajini qandurdi. téxnologiyesi konirap ketkendin kéyin, muhit we insanlarning salametlikige ziyanliq dep qarilip, 1993-yili sheherning bashqa may qachilash ponkitliri bilen birlikte ishlepchiqirish mulazimiti toxtitildi.

130 yilliq tarixiy ötmüshi bilen türkiyening eng muhim sanaet mirasliridin biri bolghan bu tarixiy imaret, keng dairilik rémunt qilinip, medeniyet-senetni asas qilidighan «yashash sahesi» ge aylanduruldi. 2021-yili 9 – iyul küni ziyaretchilerge ishiklirini achqan «muzéy gazxana» ning omumiy kölimi 32 ming kiwadrat métir kélidu. bu keng sahe ichide kilimat muzéyi, karton we yumur  muzéi, ilim-pen merkizi, kütüpxana, körgezme saheliri, öginish saheliri , ikki tiyatir konsért zali we kitabxana bar. yéshil saheliri bilenmu diqqet qozghaydighan muzéyning baghchisidiki tashlanduq matériyallar bilen yasalghan heykeller sayahetchilerni kütüwalidu.

istanbulning kadiköy nahiyesige jaylashqan «muzéy gazxana», 7 yashtin 70 yashqiche bolghan barliq kishilerning diqqitini tartidighan orni we paaliyetliri bilen sizni kütmekte.