ebru seniti
biliwéling - 23
ebru senitining eneniwi türk senetliridin biri ikenlikini bilemsiz?
ebru seniti, bir xil yélim bilen qoyuqlashturulghan suning üstide rengler bilen neqishlerning yasilishi we bu neqishlerning qeghezge chüshürülüshidur. ebru seniti mahiyette bézekchilik senitidur. bu bézekchilik seniti bilen öy we xizmet orunlirigha ésil bézek buyumliri yasilidu.
ottura asiya seniti we qeghez bézekchilik senetlirining eng muhimliridin biri bolghan ebru senitining qachandin bashlap tonulghanliqini otturigha qoyush mumkin emes. tunji höjjetke élinghan ebru seniti 16-esirge aittur. osmanli impériyesi dewride muhim senetlerdin biri bolghan ebru seniti toghrisidiki eng qedimki türkche eser, 1615-yildin kéyin yézilghan. gherbte ebru seniti üchün, «mermer qeghez» yaki «türk qeghizi» dégendek isimlar qollinilmaqta.
ebru, hel bérish we hösnxet bilen birlikte kitablarning betliride, qolyazmilarning girwekliride, jiltlarda we hösnxet boshluqlirida qollinilish bilen bir waqitta, bügünki künde muhim senet esiri dep qaralmaqta we körgezme qilinmaqta. ilgiri nurghun kishiler bu senetke tayinip tirikchilik qilatti. bügünki künde bolsa, ebru seniti kishilerning peqet qiziqishi bilenla cheklinidighan bir senetke aylinip qaldi.
