baksi muzéyi

 türkiyening sherqiy qaradéngiz rayonidiki bir yézida mukapatliq bir muzéyning barliqini bilemsiz?

sherqiy qaradéngiz rayonining bayburt wilayitige jaylashqan, burun  «baksi», hazir «bayraqtar» dep atilidighan yézida,  binakarliq layihesi, tebiiy qurulmisi we adettin tashqiri derijidiki layiheliri bilen diqqet qozghawatqan bir muzéy bardur. sheher merkizige 45 kilométir kélidighan musapide, «churuh wadisi» gha qaraydighan taghning üstide, ressam we akadémik piroféssor doktor hüsamettin kochan teripidin qurulghan baksi muzéyi, 2010-yili échildi. binakarliq qurulmisi we özgiche jaylishish orni tüpeyli «adettin tashqiri muzéy» dep atalghan baksi muzéy, körgezme zalliri, telim - terbiye séxliri, ambar muzéyi, yighin zali, méhmanxana, qedimki mesjid we kütüpxanisi bilen diqqet qozghaydu.

zamaniwi we eneniwi senetlerni birla waqitta baghrigha bésip yatqan muzéy, yene yerlik xelqke telim - terbiye we xizmet pursitimu sunmaqta. buningdin bashqa yene, özi jaylashqan rayondiki talantliq balilarni éniqlap chiqip, oqush mukapat puli bilen ularning oqushigha töhpe qoshmaqta, bolupmu layihelesh, senet we medeniyet saheliridiki yéngiliqlargha mas kélidighan layihelerni ishqa ashurmaqta.

eneniwi medeniyetni qoghdash we uni kéyinki ewladlargha miras qaldurush üchün tetqiqatlarni élip bériwatqan, bolupmu ayallarni ishqa orunlashturush layihelirini xizmetke kirishtürüwatqan baksé muzéyi, 2014-yili yawropa kéngishi muzéy mukapati we türkiye büyük millet mejlisi sherep mukapatigha layiq körüldi.