baydin hamasqa bésim qilishni telep qildi
amérika pirézidénti jo baydin misir we qatar rehberliri bilen ötküzgen téléfon söhbitide, ghezzede urush toxtitishning emelge éshishi we esirlerning qoyup bérilishi üchün, hamasning üstidiki tesir küchidin paydilinishini telep qildi.
türkiye awazi radiyosi xewiri: aqsaray bayanat élan qilip, pirézidént baydinning téléfonda körüshüp, ghezzede urush toxtitish we esirlerning qoyup bérilishi üchün hamasning üstidiki tesir küchidin paydilinishni telep qilghanliqini bildürdi.
pirézidént baydin sisi we alsani bilen birlikte, hazirmu dawamlishiwatqan ghezzede urush toxtitish söhbetliri jeryanini etrapliq muzakire qildi, hemde ulargha körsitiwatqan tirishchanliqliri sewebidin rehmet éytti.
u hamasning üsteldiki teklipni qobul qilghan ehwalda, ghezzede derhal urush toxtitishning emelge ashidighanliqini, rayongha insanperwerlik yardemlirining köplep kélidighanliqini؛ buninggha jawaben hamasning qolidiki esirlerni qoyup bérishi kéreklikini tekitlidi.
u sözini dawamlashturup, misir we qatar rehberliridin urush toxtitish kélishimining tüzülüshi üchün hamasning üstidiki tesir küchidin paydilinishni telep qildi.
misir bilen qatarning muresse qilishi netijiside teyyarlanghan yéngi urush toxtitish we esirlerni almashturush kélishimi tüzüsh teklipi, 26-aprél (2024) hamasqa yetküzülgen idi. hamasning mezkur teklipni muzakire qilip, pat arida jawab béridighanliqi élan qilinghan idi.
misir taratquliri hamas heyitining qahiredin ayrilghanliqini we misirning ghezzede urush toxtitish kélishimi tüzüsh teklipige yazma jawab qayturidighanliqini xewer qilghan idi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
