elqassam birigadaliri ikki israiliyelik esirning körünishini hembehirlidi

türkiye awazi radiyosi xewiri: israiliyening ghezze rayongha qaratqan wehshiyane bombardimanliri üzlüksiz dawamlishiwatqan bir peytte, israiliye bilen hamas otturisidiki urush toxtitish we esir almashturush kélishimige alaqidar muzakiriler misir we qatarning muresse qilishi astida dawamlashmaqta.

hamas kélishimge qarita israiliye qisimlirining ghezze rayonidin pütünley chékinip chiqishini, yürt makanliridin ayrilghan peleshtinliklerning shertsiz öylirige qaytishini, qorshawning pütünley bikar qilinishini we asasliq insanperwerlik yardemlirining kélishini telep qilmaqta. emma israiliye tersaliq qilmaqta.

izziddin elqassam birigadaliri ghezze rayonida tutup turiwatqan ikki israiliyelik esirning körünishini hembehirlidi.

bayanatta, «israiliye tallishi kérek. esirlermu yaki urushmu? rafahqa kirishi esirlirining urushta ölüshini keltürüp chiqiridu. rafahqa bésip kirish esirlerning ölishi üchün tallanghan yene bir yol bolup qalidu. israiliye esirlerni tallishi kérek» déyildi.