nétanyahu refahqa hujum qilishning shert ikenlikini bildürdi
bash ministir nétanyahu isirailiyening hujumliridin qachqan 1.5 milyon pelestinlik panahliniwatqan jenubtiki refah shehirige quruqluqtin hujum qilish waqtining békitilgenlikini bildürdi.
türkiye awazi radiyosi xewiri: isirailiye bash ministiri nétanyahu éks (X) adrésida ghezzede insaniy apet keltürüp chiqiriwatqan hujumlar toghrisida uchur hembehrlidi.
u uchurida, ghezzediki esirlerning qoyup bérilishi we «hamas üstidin ghelibe qilish» ni nishan qilghanliqlirini eskertti we buning üchün refahqa hujum qilishning shert ikenlikini ilgiri sürdi.
u isirailiyening bombardimanliridin qéchip yurt-makanliridin ayrilghan 1.5 milyon kishi panahliniwatqan refahqa quruqluqtin hujum qilish heqqide toxtilip: «bu emelge ashidu, waqti békitildi» dédi.
dölet mudapie ministiri yow gallant tünügün (8-aprél) israiliye armiyesining zor xaniweyranchiliqlarni keltürüp chiqarghan ghezzening jenubidiki xan yunustin jenubtiki refahqa hujum qilishqa teyyarliq qilish meqsitide chékingenlikini bildürgen idi.