girétsiye taratqusi: gherbning rusiye siyasiti türkiyeni chong küchke aylandurup qoydi

türkiye awazi radiyosi xewiri: türkiyening mudapie sanaiti sahesidiki ilgirileshlirimu girétsiye metbuatlirida yene bir qétim gewdilendi.

grétsiyediki dangliq xewer tor béketlirining biri bolghan «News Break»: «gherbning rusiye düshmenliki türkiyeni <derijidin tashqiri chong dölet>ke aylandurdi. bolupmu mudapie sanaitide türkiye bir sanaet küchige aylandi...» dep yazdi.

analiz maqaliside, gherb dunyasining rusiyege tutqan pozitsiyesi we rusiyege qarshi siyasetlirining rayongha körsetken tesirliri muhakime qilindi.

bu ehwalning türkiye mudapie sanaiti mehsulatlirigha bolghan qiziqishni ashurghanliqigha isharet qilinghan maqalide, türkiyening amérika qoshma ishtatlirigha eng köp zembirek oqi satidighan dölet bolushqa teyyarliniwatqanliqi tekitlendi.

maqalide, amérika dölet mudapie ministirliqining bu yil tapshurup alidighan shekilde bir türkiye shirkitidin 116 ming dane jengge teyyar zembirek oqi sétiwalghanliqi, yene bir türk shirkitining téksas ishtatida zawut qurghanliqi, 2025-yilgha barghanda, bu shirketning 155 m.m lik zembirek oqlirining texminen %30 ini amérikada ishlepchiridighanliqi eskertildi.