amérika qoshma ishtatlirida yéngi bir «jorj floyd weqesi» meydangha keldi
amérika qoshma ishtatlirining oxayo ishtatida saqchilarning firank tayson isimlik bir qara tenlik amérikaliqni nazaret astigha élish jeryanida öltürüwetkenliki ashkarilandi.
türkiye awazi radiyosi xewiri: saqchilarning qolliri arqa tereptin kishenlengen frank taysonning boynigha qattiq basqanliqi, nepes alalmighan taysonning hayatidin ayrilghanliqi bildürüldi.
18-aprél yüz bergen bir qatnash weqesige ariliship qalghandin kéyin qachqanliqi ilgiri sürülgen qara tenlik amérikaliq taysonning nazaret astigha élinish jeryanigha dair sin körünüshler otturigha chiqti.
körünüshlerde, saqchilarning taysonni bir réstoranda nazaret astigha élip, yerge yatquzup, qollirini arqigha qayrip kishen salghanliqi, taysonning saqchilargha qayta-qayta «ular méni öltürmekchi boluwatidu», «men nepes alalmaywatimen» dégen haletler bar.
bu körünüshler 2020-yili saqchilarning mushuninggha oxshash zorawanliqi netijiside öltürülgendin kéyin, keng kölemlik naraziliq heriketlirini keltürüp chiqarghan amérikaliq qara tenlik jorj floyidning ölümi bilen sélishturuldi.
saqchilarning bayanatigha qarighanda, tayson doxturxanigha élip bérilghandin kéyin qaza qilghan bolup, weqege chétishliq saqchilar tekshürülüshi üchün xizmettin toxtitilghan.
