engliye: rusiyening eyibleshliri quruq gep
engliye tashqi ishlar weziri dawid kaméron rusiyening moskwadiki konsért zalida yüz bergen térrorluq hujumining perde arqisida gherb we ukrainaning barliqi toghrisidiki eyibleshlirining «quruq gep» ikenlikini bildürdi.
türkiye awazi radiyosi xewiri: engliye tashqi ishlar weziri dawid kaméron éks (X) adrésida uchur hembehrlep, moskwadiki térrorluq hujumining perde arqisida gherb we ukrainaning barliqi toghrisidiki eyibleshlirining pütünley quruq gep ikenlikini bildürdi.
u: «<amérikaning bu hujumning birdinbir jawabkari daésh> dégen bayanatini qollaymiz» dédi.
rusiye fédératsiye bixeterlik idarisi (FSB) diréktori aléksandir bortnikow muxbirlarning soallirigha jawab bergende, moskwadiki konsért zalida yüz bergen térrorluq hujumining perde arqisida, amérika, engliye we ukrainaning barliqini ilgiri sürgen idi.
paytext moskwada yüz bergen térrorluq hujumida 139 kishining jénidin ayrilip, 100 din artuq kishining yarilanghanliqi élan qilindi.
rusiye prézidénti wladimir putin hujumni sadir qilghan töt térrorchini öz ichige alghan 11 kishining tutulghanliqini uqturghan idi.
