rusiyediki térrorluq hujumida qaza qilghanlarning sani 137 ge örlidi
rusiyening paytexti moskwada krokus sheherlik hökümet binasida jüme küni (22-mart) yüz bergen térrorluq hujumida qaza qilghanlarning sani 137 ge örlidi.
türkiye awazi radiyosi xewiri: rusiye tekshürüsh komitéti (SLEDCOM) hujumda qaza qilghanlar sanining 137 ge örligenlikini, bulardin üch nepirining kichik bala ikenlikini élan qildi.
rusiye tekshürüsh komitétining bayanatida, neq meydanni tekshürüsh xizmetlirining dawamlishiwatqanliqi we hazirghiche 62 jesetning kimliki éniqlanghanliqi uqturuldi.
bu jeryanda, hujumgha chétishliq nazaretke élinghan 11 gumandardin 4 nepiri moskwa basmanniy rayonluq sot mehkimiside sotqa chiqirildi.
gumandarlardin tajikistan puqraliri dalérjon mirzoyéw, seydakram murodeli rachabalizoda, fariduniy shemsidin we muhemmedsobir fayzofning 22 - mayghiche tutup turulushi qarar qilindi.
fayzofning sotqa doxturning hemrahliqida chaqliq orunduqta élip kélinishi, bashqa gumandarlarning bolsa, yüzliridiki ishshiq we jarahetlerhemmining diqqitini tartti.
