blinkén: refahqa hujum qilishning xata ikenlikini chüshendürimen
amérika tashqi ishlar ministiri antoni blinkén isirailiye ziyaritide dairilerge «ghezzening jenubidiki refah shehirige hujum qilishning xata bolidighanliqi» ni chüshendüridighanliqini éytti.
türkiye awazi radiyosi xewiri: ottura sherq ziyariti dairiside misir paytexti qahirege yétip barghan amérika tashqi ishlar ministiri antoni blinkén, mensepdéshi samih shükri bilen körüshti.
u muxbirlarni kütüwélish yighinida, ghezzede urush toxtitishning «qiyin, emma mumkin» ikenlikini bildürdi.
u: «refahqa quruqluqtin hujum qilmaymu hamasni yenggili bolidu» dédi.
u isirailiyede mesul dairiler bilen körüshüp, refahqa hujum qilishning «xata» bolidighanliqini chüshendüridighanliqini eskertti.
u mundaq dédi:
«bizning qarishimizche, isirailiye-hamas urushining axirlishishi, pelestin dölitining qurulushi we isirailiyening bixeterlikining kapaletke ige qilinishini öz ichige alidu» dédi.
antoni blinkén isirailiye ghezzege hujum qilishni bashlighan 7-öktebir (2023) din buyan ottura sherqni alte qétim ziyaret qilghan boldi. u bu qétimqi altinchi qétimliq ottura sherq ziyaritini tünügün (21-mart) seudi erebistanning jidde shehiridin bashlighan idi. uning misir ziyaritini axirlashturup isirailiyege baridighanliqi kütülmekte.