dawid kaméron israiliyeni «ghezzede ishghalchi küch» dep teriplidi

türkiye awazi radiyosi xewiri: dawid kaméron paytext londonda ziyarette boluwatqan israiliye urush kabinétining ezasi bénniy gantiz bilen körüshkendin kéyin bayanat élan qildi.

dawid kaméron: «pelestinlikler künséri küchiyiwatqan insanperwerlik krizisigha duch kelmekte» dédi we gantiz bilen ötküzgen uchrishishida ghezzege téximu köp yardem kirishini we esirlerning chiqishini ishqa ashurush üchün «insanperwerlik nuqtisidin urush toxtitip turush»  toghrisida munazirileshkenlikini éytti.

ministir kaméron, «israiliyege yene bir qétim (ghezzege* yardemning éqishini ishqa ashurush üchün bésim qildim. emma emeliy meydanda héchqandaq ilgirileshni körelmeywatimiz» dédi.

bu ehwalning özgirishi kéreklikini otturigha qoyghan kaméron: «insanperwerlik nuqtisidin jiddiy urush toxtitish kérek. ghezzede yardem tarqitish nisbitini ashurush, quruqluq we déngiz arqiliq téximu köp yardem karidori échish we ghezzege ruxset qilinghan insanperwerlik yardem türlirini kéngeytish kérek. buning ichide panahlinish we ul eslihe rémont qilish qatarliq muhim teminatlarmu bar» dédi.

dawid kaméron israiliyening ghezzening jenubidiki rafahqa qilghan herbiy hujumining «kishini endishige salidighanliqi» ni tekitlep yene mundaq dédi:

»ghezzediki ishghalchi küch bolush süpiti bilen israiliyening puqralarning yardemge érishishige kapaletlik qilish mejburiyiti bar».