israiliye urush ayropilanliri ghezzede kolléktip qebristanliqni bombardiman qildi
israiliye urush ayropilanliri ghezze rayonining shimalidiki jibaliye panahlanghuchilar lagérida ilgiriki hujumlarda öltürülgen yüzligen pelestinlikning kolléktip qebristanliqini bombardiman qildi.
2110547
türkiye awazi radiyosi xewiri: ghezzening shimalidiki xelq mudapie etriti mesuli ehmed el kahlut israiliye urush ayropilanlirining jibaliye panahlanghuchilar lagérida ilgiriki hujumlarda öltürülgen yüzligen pelestinlikning kolléktip qebristanliqigha hawadin hujum qilghanliqini bildürdi.
ehmed el kahlut bombardimanning tesiride bu yerge depne qilinghan jesetlerning yer astidin uchup chiqqanliqini, xelq mudapie etritining jesetlerni qayta depne qilish üchün zor küch chiqarghanliqini uqturdi.
7-öktebir (2023) din buyan dawam qiliwatqan irqiy qirghinchiliqta qaza qilghan minglighan kishiler üchün qebristanliqta orun tépilmighan ehwallar körülgen.
