israiliye armiyeside keng kölemlik istépa bérish dolquni kötürüldi

türkiye awazi radiyosi xewiri: israiliyening «14-qanal» téléwiziyesining xewiride, «bayanatchi xagarining guruppisidiki ikkinchi küchlük shexs moran katz bilen uchur sistémisidiki nurghun mesullar ghezzediki urush sewebidin birlikte istépa berdi» déyildi.

xewerde, istépa bergenlerning ichide israiliye armiyesining tashqi axbarat bayanatchisi richard héchningmu barliqi bildürüldi.

yéqinqi aylarda élan qilghan israiliye doklatida, ghezze rayonidiki urushni bashqurush we urushtin kéyinki pilan sewebidin hökümet bilen israiliye armiyesi otturisida chongqur ixtilaplarning barliqi ashkarilanghan idi.

israiliyening 7 - öktebir (2023) din buyan ghezze rayonigha qilghan wehshilerche hujumida kem dégende 13 ming 230 kichik bala we 8 ming 860 ayalni qoshqanda 30 ming 410 pelestinlik qirghin qilinghan, 71 ming 700 pelestinlik yarilanghan idi.

xarabilik astida hazirmu minglighan pelestinlikning jesiti barliqi bildürülmekte.

israiliye qisimliri xelq panahliniwatqan doxturxana we maarip orunlirini hujum nishani qilip, puqralarning ul-eslihelirini weyran qilmaqta.