«F-16» sétip bérishni tosush qanun layihesi ret qilindi
amérika kéngesh palatasi «türkiyege sétip bérishni tosush» mezmun qilinghan qanun teklip layihesini ret qildi.
türkiye awazi radiyosi xewiri: kéntakiy (Kentucky) ishtatidin saylanghan amérika kéngesh palata ezasi rand pawul (Rand Paul) 5-féwral (2024) da sunghan layiheni qobul qilish yaki ret qilishqa munasiwetlik awaz tashlash, palata omumiy kéngishide élip bérildi.
türkiyege «F-16» sétip bérilishini tosush qanun teklip layihesi, 13 ke qarshi 79 awaz bilen ret qilindi. buning bilen, pawulning öz aldigha sunghan we amérikaning türkiyege «F-16» sétip bérishini tosush, kéngesh palatasida yuqiri nisbet bilen ret qilinghan boldi.
amérika tashqi ishlar ministirliqi 26-yanwar (2024) türkiyege 40 dane «F-16» sétip bérish, türkiyening qolidiki «F-16» larni yéngilash toghrisida kongrege melumat sunghan idi. 15 künlük tekshürüsh we naraziliq bildürüsh basquchida peqet kéntakiy kéngesh palata ezasi rand pawulning naraziliqila küntertipke kelgen idi. u sunghan qanun teklip layihesi kéngesh palasining tashqi munasiwetler komitétigha ewetip bérilgen bolsimu, héchqandaq chare körülmigen idi.
amérika hökümiti bu basquchlardin kéyin, türkiyege «F-16» sétip bérishke munasiwetlik testiq we teklip mektuplirini paytext enqerege yetküzgen idi.
