firansiyelik kino cholpinining öyidin ruxsetsiz 72 qoral we 3000 din artuq oq tépildi
firansiyelik kino cholpini alayin délonning öyide 72 ruxsetsiz qoral we 3000 din artuq oq qolgha chüshürüldi.
türkiye awazi radiyosi xewiri: paytext parizhning jenubidin texminen 135 kilomitir yiraqliqtiki dochi-montkorbongha jaylashqan cholpanning öyide yene, qoral étishni meshq qilidighan zalmu bayqaldi.
seyshenbe küni élip bérilghan axturush, sot mehkimisi teripidin ewetilgen emeldarning délonning öyide bir qoralni bayqiishi we sotni agahlandurushidin kéyin bashlandi.
mupettishler délonning qoral saqlash ijazetnamisi yoqliqini éytti.
alayin délonn 2019-yili palech bolup qalghandin kéyin uning salametliki nachar halette idi.
firansiye taratqulirining xewirige qarighanda, uning yene bir ashkarilanmighan éghir késilimu bar iken.
uning ailisidiki ixtilaplarmu firansiyede yéqindin buyan xewer témisigha aylandi.
kino cholpinining üch balisi bir-birige qarshi qanuniy küresh ichide bolup, bir qatar özara haqaretler, eyibleshler we mexpiy xatiriler ashkarilanghan idi.
délon eng axirqi qétim kino cholpini bolush süpiti bilen 2019-yilidiki kannés kino – filim féstiwalida pexriy altun palmor mukapatigha érishkende körülgen hemde shu yili 9-ayda bolsa, u dosti we kino cholpini zhan paul bélmondoning parizhdiki depne murasimigha qatnashqan idi.
