gébréyus ghezzede qorshaw astidiki nasir doxturxanisining ehwali üstide toxtaldi
dunya sehiye teshkilatining bash diréktori tédros adanom gébréyus ghezzening jenubidiki xan yunus shehiride uzundin buyan israiliye eskerlirining qorshawida turiwatqan nasir doxturxanisining emdilikte mulazimet qilalmaydighan halgha kélip qalghanliqini bildürdi
türkiye awazi radiyosi xewiri: gébréyus özining X ijtimaiy taratqu hésabidiki yazmisida, tünügün we aldinqi küni dunya sehiye teshkilati etriti bilen shériklirining yéqilghu yetküzüp bérish üchün doxturxanigha barghanliqini, lékin doxturxanining ehwali we dawalash éhtiyajini közdin kechürüsh üchün etretning kirishige israiliye eskerlirining ruxset qilinmighanliqini uqturdi.
gébréyus: «nasir doxturxanisi hujum we bir heptidin buyan dawamlashqan qorshawdin kéyin, emdilikte mulazimet qilalmaydighan halgha kélip qaldi» dédi hemde doxturxanida hazirmu 200 ge yéqin bimarning barliqini, ulardin kem dégende 20 bimarning jiddiy qutquzush mulazimitige érishishi üchün bashqa doxturxanilargha yötkilishi kéreklikini tekitlidi.
gébréyus bimarlarning bashqa doiturxanigha yötkilishi jehettiki kéchikishlerning bedelini ölümliri bilen töleydighanliqini eskertip, bimarlargha we doxturxanigha yétip bérishning asanlashturilishi kéreklikini tekitlidi.
