ghezze israiliye öltürgen kichik balilarning sani 11 minggha yetti
israiliyening 7 - öktebirdin buyan ghezze rayonigha qilghan wehshiyane hujumlirida 11 ming kichk bala we 7 ming 500 ayal öltürüldi.
türkiye awazi radiyosi xewiri: ghezzediki hökümetning axbarat ishxanisi teripidin élan qilinghan bayanatta, israiliyening ghezzege 108 kündin buyan qiliwatqan wehshiyane hujumida öltürülgen 25 ming 925 kishidin 11 ming nepirining kichik balilar we 7 ming 500 nepirining ayallar ikenliki bildürüldi.
bayanatta, «ghezzede hazirgha qeder 70%i ayallar we kichik balilar bolup, jemiy 7000 kishi bina xarabiliqliri astida kömülüp yatmaqta yaki yoqap ketti, 63 ming kishi yarilandi» déyildi.
b d t insanperwerlik ishliri bash katipi we jiddi ehwallargha taqabil turushni maslashturghuchi mesuli martin giriftis ijtimaiy alaqe toridiki bayanatida: «7-öktebirdin buyan ghezzege qaritilghan wehshiylik azayghini yoq» dédi hemde ghezzede her saette ikki anining öltüriliwatqanliqini élan qildi.
