ghezzede her küni 180 hamildar ayal insaniyetke xilap bir sharaitta tughushqa mejbur
ghezzede her küni 180 hamildar ayal israiliyening hujumi we ishghaliyiti sewebidin «xeterlik» we «insaniyetke xilap» bir sharaitta tughushqa mejbur.
türkiye awazi radiyosi xewiri: pelestin qizil ay jemiyitining X ijtimaiy alaqe supisida élan qilghan bayanatida, «ghezzede her küni 180 hamildar ayal xeterlik we insaniyetke xilap bir sharaitta tughushqa mejbur. israiliye qisimliri jiddiy qutquzush aptomobillirining ulargha yétip kélishige tosqunluq qilghanliqi sewebidin nurghun ayallar qorshaw astidiki rayonlarda bolghanliqidin doxturxanigha yétip kélelmeydu» déyildi.
birleshken döletler teshkilati nopus fondi (UNFPA) ning pelestin wekili dominik allén ghezzede yéqinqi 100 kündin buyan texminen 18 ming bowaqning tughulghanliqini, birleshken döletler teshkilati nopus fondi (UNFPA) ning ularni yéterlik matéryallar bilen teminliyelmigenlikini we doxturxanilardiki ehwalning intayin nacharliqini élan qilghan idi.
allén texminen 5500 hamildar ayalning kelgüsi bir nechche ay ichide tughushi mölcherliniwatqanliqini tekitlep, «ular ussuzluq, yémeklik yétishmeslik we dawalashqa érishelmesliktek weziyetke qarshi küresh qilishqa mejbur. eger bombardiman, achliq yaki susizliq ularni öltürmise, tughush esnasida ölüshi mumkin. biz bundaq bolushigha yol qoysaq bolmaydu » dégen idi.
ghezzede 45 ming hamilidar ayal we 68 ming bala émitiwatqan ayal ölüm xewipi astida yashimaqta.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
