jenubiy koréye it göshini cheklesh yolida qedem tashlidi

türkiye awazi radiyosi xewiri: göshidin paydilinish meqsitide it béqish, öltürüsh, tarqitish we sétishni chekleydighan mezkur qanun layihesi 2 ge qarshi 208 parlamént ezasining qollap bélet tashlishi bilen qobul qilindi.

igilinishiche, layihe qanunlashqan teqdirde, 2027-yili yolgha qoyulushi pilanliniwatqan bolup, qanungha xilapliq qilghuchilargha eng köp bolghanda 2 yilliq qamaq jazasi yaki texminen 23 ming dollar jerimane qoyulushi mumkin.

qanun layihesi yene, it göshi saheside ishleydighanlarning xizmet ornini özgertishi üchün toluqlima bérilishinimu öz ichige alidiken.

hökümetning sanliq melumatlirigha qarighanda, jenubiy koréyede texminen 1150 it béqish meydani, 34 qassap, 219 tarqatquchi we texminen 1600 ashxana bar iken. jenubiy koréyede élip bérilghan bir elrayi tekshürüshige awaz qatnashturghanlarning %90 tin köpreki it göshi yéyishni oylashmighanliqini bildürgen.