hamasning hujum pilani isirailiye ichki istixbaratigha yetküzülgen
isirailiye «12-qanal» téléwiziyesi hamasning yom kippur bayrimidin kéyin hujum qilishqa teyyarliq qiliwatqanliqi toghrisidiki «éniq uchurlar» ning ichki istixbarat idarisi shin bét (shabaq) ke 7-öktebir (2023) din ilgiri yetküzülgenlikini xewer qildi.
türkiye awazi radiyosi xewiri: isirailiye «12-qanal» téléwiziyesi hamasning öktebir (2023) ning bashlirida keng kölemlik hujum qilishni pilanlighanliqigha munasiwetlik «éniq uchurlar» ning ichki istixbarat idarisi shin bétke yaz ayliridila yetküzülgenlikini xewer qildi.
xewerde, shin bétke yetküzülgen uchurlarda hamasning 24-25-séntebirdiki yom kippur bayrimidin kéyinki bir hepte ichide chong heriket pilanlawatqanliqi éniq otturigha qoyulghan, emma hujum waqtining yéqinlishishigha egiship téximu köp uchurlarning bolidighanliqini perez qilinip, yuqiri derijilik emeldarlargha yetküzülmigenliki bayan qilindi.
shin bét mesullirining élip bérilghan tekshürüshlerde istixbarat uchurlirini toghrilaydighan héchqandaq melumatning yoqluqini ilgiri sürgenliki qeyt qilindi.
shin bétning «12-qanal» téléwiziyesining xewirige qarita bayanat élan qilghan bayanatida, «hazir diqqitimizni urushqa merkezleshtürüwatimiz» déyildi.
bayanatta, shin bétning tekshürüshke we sawaq élishqa paydiliq keng dairilik uchurlarni toplashqa teyyar ikenliki؛ bu sewebtin qolidiki barliq uchurlarning tekshürülidighanliqi eskertildi.
hamasning herbiy qaniti bolghan qassam birigadiliri 7-öktebir (2023) «eqsa topani» namliq keng kölemlik hujum bashlighanliqini élan qilghan idi.
isirailiye armiyesimu buninggha jawaben «tömür qilich herikiti» ni bashlighanliqini élan qilghan idi.
künséri keskinleshken toqunushlarda, 21 ming 100din artuq pelestinlik jénidin ayrildi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
