firansiyede köchmenler qanuni üstidin asasiy qanun kéngishige erz sunuldi
firansiyede öktichi parlamént ezaliri parlamént teripidin maqullanghan köchmenler qanunini asasiy qanungha xilap dep qarighanliqliri üchün asasiy qanun kéngishige erz qilghanliqlirini bildürdi.
türkiye awazi radiyosi xewiri: boyun egmes firansiye (LFI) partiyesi parlamént ezasi antonin léumént X ijtimaiy alaqe supisida élan qilghan bayanatida, öktichilerdin «NUPES» ittipaqini teshkilligen partiyelerning köchmenler qanunini asasiy qanun kéngishige erz qilghanliqini bildürdi.
léumént bu qanundiki nurghun maddilarni bikar qiliduridighanliqini tilgha élip, parlaménttiki oxshimighan öktichi partiyelerning birleshme bayanatini hembehirlidi.
bayanatta, köchmenler qanunidiki nurghun maddilarning asasiy qanungha xilap ikenliki tekitlendi.
bayanatta, partiyelerning mezkur qanunni pütünley emeldin qaldurüsh üchün asasiy qanun kéngishige sunghanliqi, köchmenler qanunining oxshimighan maddilirining xususiy turmushning mexpiyetlik hoquqigha we barawerlik prinsipi qatarliq bir qatar heq - hoquqlargha dexli-teruz qilghanliqi uqturuldi.
firansiye parlaménti 19 - dékabirda köchmenler qanunini maqullighan idi.
