yawropa ittipaqi rusiyege 12 - émbargo layihesini maqullidi
yawropa ittipaqi döletliri rusiyege almas sodisini chekleshnimu öz ichige alghan 12 - émbargo layihesini maqullidi.
türkiye awazi radiyosi xewiri: yawropa ittipaqi kéngishi eza döletler otturisida rusiyege qaratqan 12 - émbargo layihesining maqullanghanliqini élan qildi.
yéngi yürüshlük pilangha asasen, yawropa ittipaqi rusiyedin almasni biwasite yaki wasitiliq import qilish, sétiwélish yaki yötkeshni chekleydu.
bu cheklime rusiyedin kelgen almas, rusiyedin éksport qilinghan almas, rusiyedin ötidighan almas we üchinchi dölette pishshiqlanghan rusiye almasliri üchünmu küchke ige bolidu.
birikme almas we almaslar bilen almas qétilghan zibu-zinnetlerni cheklesh 1 - yanwardin bashlap küchke ige bolidu.
üchinchi dölette pishshiqlap ishlengen rusiye almaslirini wasitiliq import qilishni cheklesh, jümlidin rusiyedin kelgen almas qétilghan zibuz-innetlerge qoyulghan cheklime, 2024-yili 1-marttin bashlap basquchmu basquch yolgha qoyulidu we 2024-yili 1-séntebirde axirlishidu.
bu jeryanda, may bahasining muqimlashturulushini qollash we buninggha xilapliq qilishning aldini élish üchün téximu qattiq ijra qilish belgilimiliri yolgha qoyilidu.
yawropa ittipaqi komitéti reisi ursula won dér léyén éks (X( adrésidiki yazmisida, 12 - émbargo pilani toghrisidiki kélishimni memnunluq bilen qarshi alidighanliqini bildürdi.
u ukrainani qollashni dawamlashturidighanliqlirini bayan qilip, émbargogha xilapliq qilishning aldini élish üchün qattiq tedbirlerni yolgha qoyghanliqlirini we almas qatarliq téximu köp mehsulatlargha émbargo yürgüzülidighanliqini bildürdi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.