amérika qizil déngizda xelqara herbiy ittipaq qurghanliqini élan qildi

türkiye awazi radiyosi xewiri: amérika dölet mudapie ministiri loyd ostin yazma bayanat élan qilip, husiylarning qizil déngizdiki künséri küchiyiwatqan hujumlirining erkin soda paaliyetlirige xewp yetküzüsh we bigunah matroslarni xeterge ittirish arqiliq xelqara qanungha xilapliq qiliwatqanliqini otturigha qoydi.

bu mesilini hel qilish üchün xelqara miqyasida bir telepning hasil bolghanliqini tilgha alghan ostin: «shunga, bügün men <güllinish qoghdighuchiliri ittipaqi> qurghanliqimizni jakarlaymen. bu birleshme déngiz armiyesi bilen 153-etretning qomandanliqi astida qizil déngizning bixeterlikini qoydayghan dölet halqighan bixeterlik ittipaqidur» dégenlerni qeyt qildi.

igilinishiche, bu ittipaqta amérika qoshma ishtatliri, engliye, behreyn, kanada, italiye, firansiye, gollandiye, norwégiye, séyshél we ispaniye qatarliq döletlerning eskerliri wezipe öteydiken.